Thanksgiving og fleira..

Hæhæ. J

Ákvað að henda inn einu stuttu bloggi um thanksgiving fríið. Ég er búin að vera í fríi síðan 16. Nóvember en fer aftur í skólann á morgunn.
Held að þetta blogg verði ekki með neinum myndum, hef ekki aalveg verið að standa mig í að taka myndir haha.

Mánudagur
Ég vaknaði alveg eldsnemma og fór á körfuboltaæfingu klukkan 7:30-9:30. Eftir æfinguna dreif ég mig heim í sturtu og svo beint út í bíl því við vorum að fara að versla.
Áður en við fórum að versla fórum við að borða á einhverjum indverskum stað. Scott og Traci fannst það alveg roosalega gott en okkur krökkunum mér, Reed og Braden fannst þetta ekkert spes svo við borðuðum ekkert mikið haha.
Við fórum í outlet sem er svona einum og hálfum tíma frá héðan. Risa stórt, þetta er ekki beint mall, maður þarf að fara út til að fara inní næstu búð. Samt 100 búðir þarna og meðal annars forever 21, gladdi mig mjög mikið að sjá það og ég eyddi góðum tíma þar inni. En ég náði að klára að kaupa allar jólagjafir svo ég fer að verða tilbúin að senda þær heim núna fljótlega.
Við vorum í þessu outletti til alveg 6 þannig við fórum á five guys að borða, bara voða venjulegur hamborgarastaður. Svo vorum við komin heim um 8 leytið og vorum bara í rólegheitunum og fórum svo bara að sofa.

Þriðjudagur
Fékk að sofa smá út. Var ekki æfing fyrr en klukkan 11. Eftir æfinguna vorum við að þrífa kjúklingaskúrinn sem þau eru með. Þau voru með kjúklinga fyrir einhverju síðan og voru að láta allt ógeðið þorna svo það væri auðveldara að þrífa. Held við höfum ekki gert neitt meira eftir það, bara rólegur dagur.

Miðvikudagur
Fór á æfingu 7:30-9:30. Kom svo heim og við vorum að vinna í garðinum til 3-leytið. Svo fór ég með Traci að sækja Carissu, þvi hún fékk ekki frí í skólanum nema á fimmtudaginn og föstudaginn. Eftir það horfðum við bara á mynd og slökuðum á restina af deginum.

Fimmtudagur
Thanksgiving. Var ekkert voðalega merkilegt, samt mjög gaman að fá að upplifa þetta J Skólinn er búinn að vera í fríi síðan þarsíðasta föstudag, 16. Nóv. Á fimmtudagsmorguninn vaknaði ég um 9-leytið og við horfðum á Macy´s parade í sjónvarpinu. Þetta er eiginlega bara skrúðganga í New York og það eru fullt af skemmtiatriðum, fullt af frægu fólki sem kemur og ehv. Þetta var búið um 12 og við fórum til bróður Traci um 1-leytið og borðuðum þar. Það var bara venjulegur thanksgiving matur, kalkúnn, mashed potatoes, fylling og gravy. Og svo pies í eftirmat. Mjööög gott. Svo horfðum við á fótbolta, þau eiga 60 tommu sjónvarp, alveg freeekar stórt haha. Svo þegar við vorum orðin þreytt á að horfa á fótbolta skoðuðum við í blöðum hvar væru bestu útsölurnar, því black Friday er alltaf á föstudeginum eftir thanksgiving og þá eru klikkaðar útsölur alls staðar. Svo spiluðum við bara smá og fórum svo heim um 7-leytið.
Sumar búðirnar byrja afslættina á fimmtudagskvöldinu þannig ég Traci og Carissa fórum í Sears klukkan 8 og þær keyptu einhverjar jólagjafir, var ekkert rosalega mikið fólk þá. Við vorum örugglega í svona 2 tíma í Sears og fórum svo bara heim að sofa.

Föstudagur
Vöknuðum við klukkan 3:30 um nóttina og fórum aftur í mollið, því þá voru allar búðirnar byrjaðar með afslættina. Ég keypti ekkert mikið, fór bara í hollister enda hafði ég verslað alveg slatta þegar við fórum í outlettin á mánudeginum áður. Fyrst vorum við ekki nema í klukkutíma í mollinu og ætluðum að fara í Samsclub og fá frían morgunmat, því þau höfðu auglýst að þau voru með frían morgunmat. Við vorum komnar þangað um 5 leytið og sáum að það var röð fyrir utan þannig við bjuggumst við því að þau myndu opna um 5:30-leytið. En neinei þau opnuðu ekki fyrr en klukkan 7 og við nenntum ekki að bíða svo lengi á bílastæðinu. Þannig við fórum í Toys‘r‘us og Traci skoðaði jólagjafir fyrir strákana.
Eftir það fórum við aftur í mollið og skoðuðum meiri jólagjafir og svona. Við vorum í einni búð um leið og hún opnaði og þá upplifði ég ekta black Friday haha. Það var einhvers konar plata sem maður gat eldað fullt af dóti á á 8 dollara, kaffivél á svipuðu verði og ferðatöskur minnir mig líka á 8 dollara. Við löbbuðum framhjá þar deildinni með þessum hlutum og það var sjúúklega mikið fólk þarna haha. Svo voru raðirnar á kassana í gegnum alla búðina og nánast allir með þessa pönnu sem var á afslættinum. Alveg frekar fyndið að labba framhjá röðinni og sjá alla með þetta.
Við fórum aftur í samsclub klukkan 7 og fengum þennan morgunmat sem var kanilsnúður og epli. Við bjuggumst við einhverju hlaðborði en þetta var það eina haha. Svo drifum við okkur heim því ég var að fara að keppa í körfubolta klukkan 9 og þurfti að vera mætt í skólann klukkan 8:15.
Við komum heim rétt fyrir 8 og ég klæddi mig og fór aftur út. Besti undirbúningur í heimi fyrir leik að sofa í fjóra tíma og versla í 5 tíma.
En já ég var að spila fyrsta körfuboltaleikinn minn haha, hafði eeenga hugmynd um hvað ég var að gera en það er alltí lagi, þetta var mjög gaman samtJ.
Ég var komin heim aftur um 12-leytið og svo var bara afslöppun restina af deginum.

Laugardagur
Svaf út og var bara í rólegheitunum til 3. Þá fórum við heim til vinahjóna Traci og Scott og fórum með þeim og börnunum þeirra út að borða og á murder mistery. Þetta var þannig að komust bara ákveðið margir inn og fólk sat og borðaði í 4 herbergjum og það var leikrit í gangi allann tímann sem við vorum að borða. Einhver var drepinn og fólk var að reyna að finna út hver morðinginn var. Og það voru nokkrir gestir valdir til að vera hluti af leikritinu en þau vissu ekkert hvað þau voru að gera. Alveg frekar fyndið. Þetta var til svona 10 og svo fórum við bara heim.  Þetta var alveg frekar langt í burtu frá að heiman þannig við vorum komin heim klukkan 1 og fórumbara beint að sofa.

Sunnudagur
Gerðum ekkert mikið, fórum í kirkjuna og svo bara heim. Tjilluðum restina af deginum. Ég, Traci, Reed og Braden horfðum á allar Santa Claus myndirnar og fórum svo bara að sofa.

Mánudagur (í dag)

Ég vaknaði um 10-leytið og við skreyttum allt húsið. Það tók alveg freekar langann tíma, þau voru byrjuð þegar ég kom niður og við kláruðum núna um 3-leytið. Svo fór ég bara upp og byrjaði þetta blogg og svo er ég að fara á æfingu í kvöld og svo þarf ég víst að gera einhverja heimavinnu þar sem skólinn byrjar á morgunn.

Ég held að þetta sé allt í þetta skiptið J
-Margrét

Jæja loksins blogg. Biðst afsökunar á bloggleysinu, hefur einhvern veginn alltaf eitthvað annað verið að gera en að setjast niður og blogga.

Ég bloggaði síðast um miðjan september, alveg heellingur búið að gerast síðan þá. Ætla að segja frá þvi helsta sem hefur gerst, vona að ég gleymi ekki neinu merkilegu.

Næst síðustu helgina í september var Hayride hérna heima hjá mér. Þetta er haldið af kirkjunni, fjölskyldan mín bauð bara fram húsið sitt, þar sem þau eiga alveg freeekar stórt hús, stóra lóð og stórann bílskúr haha. Þetta er semsagt árlegur atburður í kirkjunni, þegar það er gott veður koma yfirleitt 160-180 manns, held það hafi verið svona 120 í ár. Allir koma um 5-leytið, borða og svo bara tjill. Þetta heitir Hayride þvi þau eru með alveg frekar stórann vagn tengdann aftan í tractor, og Scott keyrir fólkið um og maður situr á heyböggum, alveg frekar nett. En já útaf þessu vorum við með svín í garðinum frá mánudegi til miðvikudags. Scott skaut það á miðvikudeginum, tók öll innyflin og það úr og fór með það  í geymslu þar til á föstudeginum þar sem það var sett í einhvað eins og stórt grill til að elda það og það var eldað í sólarhring. Var alveg frekar gott J Svo var líka pie-keppni þarna, ég var í dómnefnd, alveg frekar fínt fekk fullt að borða haha J

Fyrstu helgina í október var AFS námskeið. Við fórum saman fjórir skiptinemarnir hérna á svæðinu ég, Signe, Tim og Johana og Carissa(host systir min) keyrði okkur. Þetta var tvo tíma í burtu. Þegar við komum þangað sem námskeiðið var tjilluðum við bara í smá stund með öllum hinum skiptinemunum og fórum svo að borða. Eftir matinn fórum við aftur út og satum öll i kringum bonfire(eld) og borðuðm smores. Fórum svo aftur inn og þá  var fyrirlestur í örugglega 2 tíma, held að þetta hafi verið lengstu tveir tímar lífs míns,  var svo ógeðslega þreytt og alveg að sofna nánast allann tímann. Svo eftir það fórum við bara að sofa.
Vöknuðum daginn eftir, fórum og fengum okkur morgunmat og svo var annar fyrirlestur, samt skárri en daginn áður. Svo fórum við í teambulding í svona klukkutíma, þar var mjög gaman. Svo eftir það var hádegismatur. Eftir matinn fórum við zip lineing, var óógeðslega gaman. Svo var annar fundur eða fyrilestur og svo fórum við bara heim.

ég og Signe(Danmörk) tilbúnar að fara zip-lineing

Haha, Harry(Kína) ætlaði að fara á hvolfi en setti fæturna einhvern veginn vitlaust uppá línuna og festist, reif buxurnar sínar.

SNACKS! Eitthvað svona til að narta í á milli stóru máltíðanna í matsalnum. Get svo svarið það að við borðuðum stanslaust þessa helgi.

Helgina 19.-21. Október var homecoming helgin.  Á föstudeginum var bara venjulegur skóladagur þangað til í síðasta tímanum var pep-rally. Það var ekkert voðalega merkilegt, bara allir í íþróttasalnum. Voru einhverjar keppnir og svo var keppni hverjir gætu öskrað hæst á milli allra árganganna. Mest keppni á milli seniors og juniors og juniors unnu, ekki sanngjarnt þar sem við vorum miiklu háværari en þau. Svo seinnipartinn var parade í Watsontown, allir árgangarnir voru búnir að gera float, og svo var svona hálfgerð skrúðganga og allir sem voru í skrúðgöngunni voru að gefa nammi. Svo um kvöldið var homecoming fótboltaleikurinn. Var mjög gaman og við actually unnum leikinn, fyrsti leikurinn á tímabilinu. Junior-arnir héldu áfram að stela verðlaunum af okkur seniors þar sem þau unnu líka fyrir flottasta homecomming float, ekki sanngjarnt þar sem okkar var miklu flottari.
Á laugardeginum var svo ballið. Við fórum stór hópur saman, hittumst svona klukkutíma fyrir ballið og tókum myndir og fórum svo á ballið. Það var ekkert spes, eiginlega eins og grunnskólaball, var haldið í skólanum og búið klukkan 10:30. Eftir ballið fór ég svo bara heim.

The parade, Klappstýrurnar, kemur smá myndasyrpa frá þessu :)

Freshmens

Aftur

Sophmores

Juniors, náði ekki nógu góðri mynd, var of upptekin að grípa nammi, en þetta var þannig að strákurinn á að vera að gera málverk af stelpunni. Þetta vann...

Seniors, klárlega flottast

Homecoming

Á sunnudeginum eftir kirkju fór ég með youth group-num i kirkjunni á svona shooting range þar sem við gátum prófað allskonar byssur. Ótrúlega gaman.

byssó

Þar síðasta föstudag fór ég með fótboltanum á haunted house, það var ótrúlega gaman haha gott hópefli. Svo daginn eftir spilaði ég svo síðasta fótboltaleikinn minn þangað til ég kem heim. Við komust semsagt áfram í district keppnina en töpuðum fyrsta leik. Spiluðum í heildina 19 leiki, unnum 17 töpuðum tveimur. Een ég fer svo í körfubolta núna fljótlega til að halda mér í formi. J

Svo eins og fkestir vita þá var fellibylurinn Sandy að fara yfir Bandaríkin núna í síðustu viku. Við áttum að fá mjög slæmt veður her þannig það var enginn skóli á mánudeginum né þriðjudeginum. Veðrið var samt ekkert svo slæmt her hefðum alveg getað farið í skólann báða dagana, var samt mjöög þægilegt á fá auka frídaga, en við þurfum víst að bæta það upp seinna. Til að stytta okkur stundir á þessum tveimur frídögum ákváðum ég Reed og Braden að hafa Harry potter maraþon. Byrjuðum á mánudagskvöldinu, horfðum reyndar  þá bara á fyrstu myndina. Svo á þriðjudeginum horfðum við á næstu fjórar. Svo var venjulegur skóladagur á miðvikudeginum og svo á fimmtudeginum var hálfur dagur þannig við vorum búin klukkan 12:30. Eftir skóla kláruðum við síðustu þrjár Harry Potter myndirnar. Þannig þær verða ferskar í minninu þegar við förum í Universal Studios i janúar J

Svo núna um helgina gerði ég ekkert mikið. Á laugardaginn var reyndar pumpkin chunkin í kirkjunni, vorum eitthvað að leika okkur með grasker. Það var graskersfræspýtikeppni, pumpkin pie kappát ég tók að sjálfsögðu þátt, var held ég fjórða og það var sérstaklega minnst á það að ég hafði verið með hreinasta andlitið eftir kappátið, var ekkert að dýfa andlitinu mínu í þetta samt var ég ekkert langt á eftir fólkinu sem vann J svo gerðum við eitthvað semí svipað angry birds, vorum í þriggja manna liðum með stóra teygju, tveir héldu henni á endanum og einn skaut graskerjum í bangsa, var ótrúlega gaman. Svo var einn maður úr kirkjunni búinn að smíða vél til að skjóta graskerjunum alveg frekar langt, set mynd neðar í bloggið J
Svo seinnipartinn fórum ég, Traci, Reed og Braden í mollið og ég keypti nokkrar jólagjafir.

Svo á sunnudaginn var bara kirkja og svo heim að slaka á.

graskerjafræsspýtikeppni

Kappát

Held að þetta sé allt í bili, Thanksgiving er eftir sirka tvær vikur þannig ég hugsa að ég hendi inn stuttu bloggi eftir það .

Þangað til næst J
-Margrét

Ferðsagan og Fyrsti mánuðurinn

Hæhæ.

Jæja þá er ég búin að vera hérna í Bandaríkjunum 1 mánuð ! :D
Hef ekki fundið nógu mikinn tíma til að blogga undanfarið, búið að vera alveg frekar mikið að gera. En ég ætla að segja frá ferðalaginu og svo svona því merkilegasta sem hefur gerst hjá mér J Bara að vara ykkur við að þetta blogg verður laaaangt..

Ferðalagið og fyrstu dagarnir.

Fimmtudagur: Ég og Grétar hittumst á flugvellinum um 8 um morguninn og tjékkuðum okkur inn. Svo var bara að kveðja fjölskylduna, það tók smá tíma og svo fórum við bara í öryggistjékkið og það. Við tjilluðum bara í flugstöðinni í svona tvo tíma og svo fórum við að labba að hliðinu, fara í gegnum vegabréfaeftirlitið og það. Svo tók við 6 tíma flug til New York og við komumst að því að það var sænskur skiptinemi í flugvélinni með okkur, komumst reyndar bara að því þegar við vorum komin út úr flugstöðinni úti. Þegar við lentum New York tók við lööööng röð í immigration tjekkið. Held að það hafi liðið tveir tímar frá því að vélin lenti og þangað til við komumst í gegnum þetta tjékk. Svo var einhver AFS kona sem tók á móti okkur. Grétar fór í sér leigubíl á annann flugvöll eða ehv því hann þurfti að taka annað flug en ég og Amanda(sænski skiptineminn) fórum saman í leigubíl á annað hótel. Þar voru fullt af skiptinemum og við vorum öll bara í tölvunni eða að horfa á Ólympíuleikanna til að drepa tímann. Þarna voru krakkar frá Svíþjóð, Noregi, Danmörku, Þýskalandi, Taílandi, Ítalíu og örugglega einhverjum fleiri löndum. Svo klukkan sex fór ég uppí rútu með svona 20 krökkum. Ég hélt að þessi rútuferð myndi taka svona 2 tíma en hún tók 5 og hálfann tíma því við þurftum að stoppa til New Jersey því að einhverjir krakkar fóru út þar. Ekki það skemmtilegasta sem ég hef gert. Við semsagt fórum í þessari rútu á annað hótel þar sem arrival námskeiðið var og þegar við komum fórum við öll bara beint uppí herbergi að sofa.

Basic flugvélamynd

Föstudagur: Vöknuðum um 8 leytið, klæddum okkur og gerðum okkur til og fórum svo niður í morgunmat á hótelinu klukkan 9. Eftir matinn fórum við aftur í herbergin og tókum dótið okkar út því við áttum að vera komin útúr herbergjunum klukkan 11. Svo tókum við bara dótið og fórum með það inní fundarherbergi þar sem það var farið yfir fullt af hlutum með okkur. Svo klukkan tvö kom fjölskyldan að sækja mig og við keyrðum bara heim sem tók svona einn og hálfann tíma. Svo þegar við komum heim þurfti ég að fara í einhverja læknisskoðum svo ég geti æft fótbolta hérna úti. Svo tók ég bara uppúr töskunum og slakaði á og svo seinna um kvöldið fór ég út með Carissu að hitta vini hennar. Svo komum við heim um 12 leytið og fórum bara beint að sofa.

Laugardagur: Vöknuðum klukkan 8 og fórum yfir til systur Traci, Heather og gerðum maís. Við semsagt þurftum að taka allt græna dótið utan af og svo var þetta soðið og svo skárum við maísinn af. Við vorum í alveg þrjá tíma að þessu en þetta var samt mjög gaman. Svo borðuðum við bara hádegismat hjá þeim og fórum svo heim og höfðum okkur til og fórum svo út að borða. Svo fórum við bara heim og fórum snemma að sofa, eða allavegna ég þar sem ég sofnaði klukkan 10.

Sunnudagur: Fórum í kirkjuna um hálf 10 leytið. Kirkjan hérna er allt öðruvísi en venjuleg kristin kirkja á Íslandi. Ég fer fyrst í hóp með krökkum á high school aldri og við erum í klukkutíma að tala saman um eitthvað úr biblíunni eða eitthvað svoleiðis. Svo er messan í svona 2-2 og hálfann tíma. Fyrsta klukkutíman er hópur af svona 8 að syngja og allir syngja með og svoleiðis, svo talar presturinn í svona klukkutíma eða rúmlega það. Svo eftir messuna var koddaslagur í youth group-num í kirkjunni. Ég fór þangað með Carissu, Braden og Reed og við vorum þar til svona 3 minnir mig og fórum svo bara heim.

Fjölskyldan er mjög fín og húsið mjög flott. Er alveg frekar stórt og er á þremur hæðum. Herbergið mitt er mjög fínt og alveg semí stórt og með frekar stóru rúmi, sem ég nýti mér alveg. F
Það er alveg búið að vera frekar mikið að gera þennan fyrsta mánuð hjá mér. Skólinn er kominn á fullt og dagarnir alveg semí pakkaðir.

Stærsti hlutinn af herberginu mínu

Venjulegur vikudagur er þannig að ég þarf að vakna um 6:30 til að gera mig til fyrir skólann, svo förum ég Reed og Braden í skólabílinn um 7:15. Svo er skólinn frá 8:03 til 3:06 og þá þarf ég nánast að hlaupa í skápinn minn til að taka bækurnar sem ég þarf að taka með mér heim, troða þeim í töskuna mína og drífa mig yfir í klefann þar sem við skiptum um föt fyrir fótboltaæfingu, æfingarnar eru yfirleitt búnar milli 5:30 og 6. Þegar ég kem heim geri ég bara heimavinnuna og slaka smá á og fer snemma að sofa.

Mér líst mjög vel á skólann, krakkarnir mjög fínir og kennararnir líka. Veit ekki hvað ég hef þurft að segja eftirnafnið mitt oft síðan ég kom hingað, allvegna mjööög oft og enginn virðast ná að segja það rétt. Það finnst öllum það fáranlega langt og ótrúlega erfitt að segja það, ég þurfti einhvern tímann að skrifa nafnið mitt niður á æfingu, man ekki afhverju en allt liðið þurfti að horfa á mig skrifa það, það var alveg frekar fyndið.

En já stundataflan mín er svona:
1. Home room(förum alltaf þangað í fyrsta tíma og gerum bara heimavinnu ef við þurfum þess eða við getum farið að hitta kennara ef við eigum erfitt með eitthvað í einhverju fagi. Ég þarf yfirleitt ekkert að læra í þessum tímum þannig ég fer oft yfir í stofuna við hliðiná minni með nokkrum stelpum úr fótboltanum því sú stofa er loftkæld og það er alveg frekar heitt í þeim stofum sem eru ekki loftkældar, ég held að það verði ekkert mikið lengur samt því það er aðeins farið að kólna, er samt alveg uppí 30°C ennþá samt yfirleitt svona 25°C.)
2. Chemistry
3. Algebra 2
4. Foundations of fitness(man ekki alveg nafnið á þessum tíma en við erum bara að lyfta og svoleiðis)
5. Study hall(bara að gera heimavinnu)
6. Sociology
7. Matur
8. History of government
9. Enska
10. Spænska.

Fótboltinn er mjög fínn. Svolítið erfitt fyrstu tvær vikurnar því það var svo ógeðslega heitt og fáranlega rakt loft og við vorum að æfa í 5 tíma á dag. Frá 8-10:30 var yfirleitt hlaup og stundum smá fótbolti og svo sprettir í lokin. Og svo frá 2:30-5 þá var fótbolti og svo aftur sprettir í lokin. Þessar tvær vikur voru ógeðslega erfiðar en skila sér vel útá fótboltavellinum núna þar sem við virðumst yfirleitt vera í betra formi en liðin sem við höfum spilað við.
Er búin að spila held 6 eða 7 leiki fyrir skólaliðið. Fyrstu þrír leikirnir voru á Scrimmage day(æfingadagur) og við unnum alla og ég skoraði 3 mörk fyrir varsity liðið. Svo erum við búnar að spila fjóra leiki í móti núna og búnar að vinna alla, mér hefur ekki enn tekist að skora en ég er búin að fá færi til þess en það hlítur að fara að koma, er yfirleitt að spila frammi eða á vinstri kanti. Fótboltatímabilið er bara þrír mánuðir og allir leikirnir alveg semí þéttir saman. Spiluðum fjóra leiki á 8 dögum. Eru yfirleitt 2-4 leikir í viku. Eigum skráða 18 leiki núna en ef okkur gengur mjög vel komumst við í District og þá spilum við fleiri leiki, veit samt ekki alveg hvernig þetta virkar haha.

Ég er búin að fara á þrjá fótboltaleiki hjá skólaliðinu(amerískur fótbolti). Skil þessa íþrótt engann veginn, eina sem ég skil eru touchdowns haha. En liðið okkar er alveg frekar lélegt og búið að tapa öllum leikjunum frekar stórt, fólk er ekkert mikið að búast við því að þeir séu að fara að vinna leiki. Samt mjög gaman að fara og hitta stelpurnar úr fótboltanum og fólk úr skólanum.

Ég fór með fjölskyldunni til Colarado og Wyoming um miðjan ágúst. Var mjög gaman. Fórum af stað á þriðjudagskvöldi og þetta var 32-34 tíma bílferð, kom mér á óvart hvað það var samt gaman haha. Við fórum í gegnum fullt af fylkjum þannig ég get sagst hafa komið til held ég svona 11-12 fylkja man ekki alveg Traci var að telja þetta upp um daginn.

Við stoppuðum meðal annars í Mount Rushmore, Crazi horse og keyrðum í gegnum Badlandsnational park á leiðinni.

Badlands

Badlands, var ógeðslega mikið rok 

Mount Rushmore og fánar allra fylkjanna

Mount rushmore

Crazy horse, ekki nærrum því tilbúið. Er í minningu um einhvern indjána

Hvernig þetta á að líta út, fyrir utan konuna sem var að þvælast fyrir þegar ég tók myndina.

Við gerðum margt mjög skemmtilegt á þessum 5 dögum sem ferðalagið tók. Við stoppuðum í Wyoming í eina nótt og hittum ættingja Traci minnir mig, skoðuðum okkur aðeins um í Cheyenne minnir mig og fórum svo í moll að versla, það var mjög gaman. Svo um kvöldið fórum við að borða á Casa Bonita, mexíkanskur staður, maturinn er alltí lagi en það er en maður er frekar að fara þarna fyrir showið, meðan maður borðar getur maður horft á allskonar skemmtiatriði og svo eru einhverjir kallar að labba um og spila tónlist og svoleiðis.

Casa Bonita

Eftir matinn fórum við bara á hótelið okkar í Denver, tjékkuðum okkur inn og fórum að sofa. Daginn eftir hittum við aðra ættingja Traci og fórum í bíltúr með þeim allann daginn, svo fórum við út að borða aftur um kvöldið. Svo á laugardeginum fórum við í fiðrildagarð, ógeðslega flott, við vorum þar í svona 4 tíma sirka og svo fórum  við aftur af stað heim það voru aðrir 34 tímar. Við komum heim klukkan 3 aðfaranótt mánudags því við stoppuðum frekar oft á leiðinni, og ég þurfti svo að fara á æfingu klukkan 8 um morguninn daginn eftir, var freeekar þreytt.

Fékk loksins Mcdonalds :) !

Fiðrildagarðurinn

Fiðrildagarðurinn

Svo núna síðustu helgi fór ég til Baltimore með AFS. Scott keyrði mig, Signe (Danmörk),Tim (Þýskaland) og Johana (Þýskaland) til Harrisburg á laugardaginn og við gistum yfir nótt hjá konu sem var að sjá um þessa ferð. Við vorum komin til hennar um hálf 9 minnir mig og fórum bara að horfa á sjónvarpið og svo tiltölulega snemma að sofa því við þurftum að vakna klukkan 7 á sunnudeginum. Við fórum keyrandi til Baltimore, tók svona einn og hálfann tíma. Þegar við vorum komin þangað hittum við hina skiptinemana, vorum 16 í heildina. Við byrjuðum á því að fara í aqarium-ið þarna. Það var á alveg 4  hæðum minnir mig, bjóst samt við að það væri merkilegra en það var, allir voru búnir að tala um hvað það væri geðveikt flott. Við vorum allann tímann á höfn sem var risastór og flott fullt að skoða. Við fórum á hard rock og fengum okkur hádegismat og fengum okkur svo göngutúr um höfnina og öllum stelpunum til mikillar ánægju fundum við búðir og meðal annars h&m, held að við höfum verið þar inni í allavegna klukkutíma, vorkenndi Tim sem villtist með okkur þarna inn haha. Svo um 5-leytið fórum við heim og ég var komin heim um 9-leytið og fór þá bara að gera heimavinnuna mína.

Hópurinn í Baltimore, 16 skiptinemar og 3 host systkini

 

Bangladesh og Þýskaland

 

Jæja, ég held að þetta sé svona það helsta sem er búið að gerst hjá mér á fyrsta mánuðinum, ætla að reyna að láta ekki líða svona langt þangað til ég blogga næst.

Een þangað til næst J

-Margét

Fyrsta blogg

Ákvað að búa til þessa síðu til að hafa á meðan ég verð úti og ákvað að gera eitt blogg svona til að kynna mig.

Já ég heiti semsagt Margrét Dögg Vigfúsardóttir, er 17 ára og bý í Reykjavík. Ástæðan fyrir því að búa þetta blogg til er að ég er að fara sem skiptinemi til Bandaríkjanna í heilt ár og ætla að blogga um reynsluna og hvað er í gangi hjá mér þarna úti. Ég er orðin mjög spennt fyrir ferðinni en mig hefur alltaf langað að prófa að búa í öðru landi og leit því á þetta sem mjög gott tækifæri og fæ að eignast nýja fjölskyldu,nýja vini í nýju landi og kynnast nýrri menningu og siðum.

Ég er semsagt að fara til Pennsylvaniu sem er á Austurströnd Bandaríkjanna. Ég er komin með fjölskyldu sem býr aðeins fyrir utan lítinn 4000 manna bæ sem heitir Watsontown. Fjölskyldan mjög stór en er þannig að það eru foreldrar, Traci og Scott og fjögur börn, Miranda, (veit ekki aalveg hvað hún er gömul en hún er allavegna flutt að heiman en býr í bæ sem er svona 30 km frá heimilinu þeirra), Carissa sem er ári eldri en ég semsagt fædd 1994, hún fer í háskóla núna í haust þannig hún verður lítið heima, svo eru 12 ára tvíburastrákar, Reed og Braden. Svo eru líka tvær ömmur inná heimilinu Patsy og Bonita. Ofan á þetta allt eiga þau hund, tvo ketti, snák og fisk.

Fjölskyldan. Vantar samt elstu stelpuna.

Mér líst alveg rosalega vel á þetta fólk og er líka mjög spennt að fara út og hitta þau loksins eftir að hafa verið í tölvupóstasambandi við þau síðan í apríl.

Ég fer í svona high school sem er skilst mér ekkert svo langt frá þar sem ég bý, semsagt aðeins fyrir utan bæinn. Skólinn heitir Warrior Run high og það eru um 650 nemendur í honum. Ég var mjög ánægð þegar Traci, mamman, sagði mér að það væri fótboltalið í skólanum þannig ég get æft fótbolta í einhvern hluta af árinu en ætla svo líka í frjálsar íþróttir. Fótboltaliðið þarna er víst voðalega gott en þær eru tvöfaldir eða þrefaldir state champions. Ég varð svolítið stressuð þegar ég sá hvað ég verð í litlum bæ hvort það væri almennilegt fótboltalið í skólanum en ég er búin að æfa fótbolta síðan ég var 9 ára og ekki aalveg til í að sleppa því í heilt ár.

Ég var líka að komast að því að það verður annar skiptinemi  í skólanum mínum, dönsk stelpa. Ég held að það sé alveg svolítið þægilegt svona fyrstu dagana því þá erum við alveg í sömu aðstæðum að þekkja engann og ekki vita neitt haha.

En já það er orðið fáranlega stutt í þetta, bara 18 dagar í brottför. Er held ég búin að gera allt sem ég þarf að gera, komin með dvalarleyfið og allt klárt J.

Ég blogga svo aftur þegar ég kem út eða eitthvað J

Þangað til næst..